【黃雨下的復活節放電活動 – 石門 Play Easy】
相信好多家長都會怕落雨天日子，因為無得去公園放電，而換來家無寧日的日子…所以隨手預備1-2張室內兒童遊樂場的membership card是必須的。
今次我地嚟到石門京瑞廣場2期的 「Play Easy 輕鬆玩」(真係漸愧，住咁馬鞍山2年幾，家吓先去京瑞廣場行吓)
入去玩前先講吓個收費，你可選擇單次入場或購買儲值卡扣數。
儲值卡有2款，一款係$300 (開卡要收收續費) ，一款係$500 (免手續費)。如果有多個大人想一齊入場，就會計 $80/位。
扣數方面，$45/小時 (星期一至四)、$65/小時 (星期五至日及公眾假期)。
如果單次入場就貴好多，$90/小時 (星期一至四)、$140/小時 (星期五至日及公眾假期)。
每張卡係for一位小朋友同一個大人入場。而卡主係跟小朋友的，所以大人可以轉第二個帶，但小朋友就唔可以轉人，即係不可轉讓。
雖然我唔清楚佢會點clarify 個小朋友，不過我相信作為家長，好好持守誠信係一個身教。
留意，亦因為入場同離場係用拍卡機，所以離場前建議提早5-10分鐘做預備，因為卡機嘅野係認時間唔認人，如果遲拍幾秒卡都count多一個鐘就唔抵啦！
入面超多嘢玩，個場地大到你O咀。 包括有攀石牆、繩網陣、巨形海綿池、造型小火車、椰子樹旋轉鞦韆、釣魚池、小兔子轉盤、幼兒積木區、火山吹球機、迷宮隧道、Mega波波池王國、超級彈床及創意決明子沙池
(留意: 創意決明子沙池區係另外收費的，
如果你係持儲值卡就係 $20/半小時-星期一至四、$30/半小時-星期五至日及公眾假期。
如果係單次入場，就係 $35/半小時-星期一至四、$50/半小時-星期五至日及公眾假期。)
我地拍卡入場，工作人員再幫我地探熱同用消毒洗手液消毒雙手。跟住除咗鞋後就入去左啦！
一入到去，左邊係一個釣魚區、小火車隧道同幼兒積木區，；而中間就係椰樹旋轉鞦韆。
右邊有一個兔仔氹氹轉、多款三輪車仔、巨形海綿池、攀石牆同決明子沙池
再行入少少就係一個巨形波波池城堡，成個城堡有4條滑梯，唔使爭，同埋都幾高幾剌激架
波波池入面有一個波波火山發射機，好好玩架！
而波波池左邊就有繩網陣同巨形迷宮隧道
而波波池城堡左邊就有個大型彈彈床區 (呢個區域建議最好家長陪同，因為始終有少少危險)
講起波波池，我知好多家長都會擔心衛生問題。
衞生方面，了解番佢地係用上瑞士Saniswiss的醫療級消毒清潔產品進行全場霧化消毒，產品無害，就算小朋友個口仔唔小心掂到都唔會有事，所以我都放心同佢join。
話須論價錢算不上非常親民，但以超大場地同勁多嘢玩嚟講，都算值回票價。我今次係join咗$500儲值卡，如果每次嚟玩一個鐘，都玩到7次或以上。
如果有興趣的馬鞍山區/大圍區家長都可以去睇睇:
地址: 石門安群街1號京瑞廣場2期1樓102A1及102B4
營業時段：上午10:30 – 晚上9:00
~~~~~~~~~~~~~~~~~~~~~~~~~~~~~~~~~~~~~~~~
歡迎邀稿│合作試用│親子活動
留言
張貼留言